SANGGAR SENI TEATER LENTERA UNIVERSITAS DJUANDA MEMPERSEMBAHKAN NASKAH SIKABAYAN KARYA UTUY TATANG SONTANI SADURAN IYANGDOTKOM

ABAH          : NYAI…  NYAI ITEUNG!ITEUNG      : KAH.. AYA NAON BAH?ABAH           : TUH TINGALI SALAKI MANEH! REK KITU WAE? NGAN MOLOR WEH JEUNG MOLOR UNGGAL REK DIAJAK KA SAWAH TEH! GEUS BIJIL PANON POE IEU TEH, ITEUNG! SAPOPOE AING NUNGGUAN MANEHNA DI SAWAH KAMARI, TEU… DATANG-DATANG! EH.. MEUNANG BEJA TI SI LEBE, MANEHNA TEH NGAN SAUKUR MALAWEUNG LUHUREUN BATU GIGIREUN WAHANGAN, ITEUNG. ASTAGFIRULLAHALADZIM… KUMAHA TEU AMEUK ABAH TEH ITEUNG, MUN KIEU CARANA MAH, RUGI ABAH NGAWINKEUN SI ETA KA MANEH!! ABAH NGAWINKEUN SI ETA KA MANEH, SUPAYA AYA ANU NGABANTUAN ABAH DI SAWAH, LAINA MARABAN SI ETA BARI JEUNG EWEUH GAWE NA.ITEUNG      : SABAR BAH SABAR, NYA ATOS ATUH, BAH. KU ITEUNG GUGAHKEUN NYA SI AKANG NA.ABAH           : GEUS TEU KUDU, BEJAKEUN WE KA MANEH NA, SUSULAN ABAH KA SAWAH! MUN TEU DATANG KENEH WAE, TINGALIKEUN! GEUS, ABAH REK KA SAWAH HEULA. GEUS KABEURANGAN. ASSALAMUALAIKUM.ITEUNG        : WAALAIKUMUSALAM, BAH. (NGADEKEUTAN SI KABAYAN) KANG… GUGAH KANG TOS SIANG… ELING ATUH KANG…KABAYAN   : EEEMM…ITEUNG        : KUMAHA CENAH SI AKANG TEH? AKANG MOAL NGABANTUAN DEUI ABAH DI SAWAH?KABAYAN    : HEUH, MANEH MAH! NGAGANGGU WAE! BATUR KEUR NGAJI KALAH DI HUDANGKEUN!ITEUNG        : EEEH.. NGAJI.. NGAJI.. BELAH MANA NGAJI NA? KEDUL MAH KEDUL WE ATUH, KANG. TONG SOK LOBA ALESAN! YEUH KANG, TADI TEH SI ABAH KADIEU, REK NGAJAK AKANG KA SAWAH. AKANG DI TUNGGUAN ITU DI SAWAH!KABAYAN   : AH.. ANTEUP WEH CEUNAH NUNGGUAN.ITEUNG        : ETA GERA.. AKANG! AI AKANG TEH ELING HENTEU SIH? TEU ISIN APA DI SEBUT PANGEDULAN KU BATUR?KABAYAN    : ELEUH.. NAHA KUDU ISIN? EMANGNA AKANG DATANG KA DUNIA IEU MAWA NAON? TEU.. TEU MAWA NANAON DA, SING SUMPAH NAGE. KOMO NYAHO TOROJOL NA GE HARAM. NAHA AYEUNA GEUS KOLOT KUDU NYANYAHOANAN? NYAHO ISIN SAGALA?ITEUNG        : OH.. JADI ETA HASIL NGAJI AKANG TEH, HAH? NGAJI BARI JEUNG NONGGENG! DASAR TEU GABLEG KA ERA!KABAYAN    : SUMUHUN, GEULIS. TONG BORO GABLEG KA ERA, GABLEG ITU IEU GE HENTEU!ITEUNG        : GEUS AH TONG LOBA OMONG, GANDENG! ITEUNG TEH NGARASA KA TIPU NYAHO, KANG. BOGA SALAKI MODEL AKANG TEH, ITEUNG NGARASA KATIPU! NGARASA KA BODOAN! TUH TINGALI, KANG.. SALAKI BATUR MAH BOGA PAGAWEAN ANU PUGUH, UNGGAL BULAN AYA WAE MERE DUIT BALANJA, JEUNG MEULI BAJU ANYAR. TAPI AKANG? MANA KANG? MANA?KABAYAN   : AH SALAH SAHA EMANG NA?ITEUNG        : KUMAHA KANG? SALAH SAHA? HEMH.. ENYA KANG, ITEUNG NU SALAH! ITEUNG ANU GURUNGGUSUH DAEK DI KAWIN KU JELEMA ANU ITEUNG SORANGAN KARAK WAWUH SA HARITA. SAKUDUNA MAH ITEUNG TEH NINGALI HEULA KUMAHA LAKULAMPAHNA! AYEUNA MAH DARIPADA KIEU WAE, ITEUNG MAH MENTA DICEUREKEUN, KANG! POKONA ITEUNG HAYANG CEURE!KABAYAN   : DICEUREKEUN?ITEUNG      : ENYA!KABAYAN    : MENTA WE ATUH JIG KA MANG LEBE, APANAN MANEHANANA ANU NGAWINKEUN URANG DUAAN TEH? NAHA MENTA KA AKANG?ITEUNG      : IIHHH! POKONA AKANG ANU KUDU KA MANG LEBE!!KABAYAN   : EMANG NA AKANG ANU BUTUH DICEUREKEUN?ITEUNG        : ENYA, KANG! KENDAE ITEUNG ANU NYAMPEURKEUN MANG LEBE, AYEUNA OGE KU ITEUNG SAMPEURKEUN!KABAYAN    : (NYAMPEURKEUN TUDUNG SAJI) ELEUH… EWEUH HAKANEUN PISAN IEU TEH? KACIDA TEUING SI ITEUNG (SARE DEUI)ITEUNG        : ASTAGFIRULLAHALADZIM!! GEUS NGEREK DEUI WAE JELEMA TEH? HIH TUN INJI! DASAR PANGEDULAN! (ASUP KA KAMAR)KABAYAN   : (NGAGERUNG, KOMAT-KAMIT, JIGA KASURUPAN)ITEUNG        : AKANG.. HIH KUNAON SIH? AKANG.. ELING ATUH KANG, IH. ULAH NYINGSIEUNAN!!KABAYAN   : HA… INCU AING! KADIEU NYAI, ENGGAL KADIEU!ITEUNG         : SA.. SAHA IYEU? SAHA IEU ANU AYA DINA RAGA SUAMI ITEUNG? HIIHH.. LAMUN JURIG ATAWA MEMEDI.. KALUAR KADITU, GEURA INDIT!KABAYAN   : PADU WEH SIAH MEMEDI, AING TEH BUYUT MANEH, BUBUYUTAN MANEH, NYAHO!ITEUNG         : OH? BUYUT NA ITEUNG? HADUUHH… HAPUNTEUN ITEUNG KI, PUNTEUN….KABAYAN      : GEUS LILA AING NUNGGUAN KASEMPATAN IEU, KABENERAN ANU BOGA JASAD KEUR NGABUMBUNG LUHUR KA LANGIT KATUJUH. JADI AYEUNA AING LALUASA NGINJEM JASADNA.ITEUNG         : MUHUN KI, HAPUNTEUN. EMANGNA AYA HAJAT NAON AKI TEH SANGAJA LINGGIH KA IEU TEMPAT?KABAYAN      : AING DATANG KA DIEU, KU SABAB AING NYA’AH KA INCU AING, KUSABAB MINEUNG AING NGADENGE MANEH NALANGSA.ITEUNG         : LERES KI, KAPUNGKUR ABDI TEH NALANGSA PISAN KUSABAB DITAKDIRKEUN NGAGADUHAN SALAKI ANU BENTEUN JEUNG NU SEJEN, SALAKI ANU TEU UMUM, KI. SAPOPOE PADAMELANNA NGAN SAUKUR BOBO, TEU AYA GAWENA PISAN, KI.KABAYAN   : HAHAHA JELEMA NU KEUR NGABUNGBUNG KA LANGIT KA TUJUH KU MANEH SEBUT KEUR SARE? HAHAHAHA IYE YEUH.. IYEU! IYEU NU DISEBUT KAGOBLOGAN JELEMA TEH, KAGOBLOGAN MANEH, ITEUNG!ITEUNG      : JA..JANTEN SABENERNA, KANG KABAYAN TEH SANES PANGEDULAN, KI?KABAYAN   : NYA LAIN ATUH SIA TEH, ITEUNG! MANEHNA KEUR NGAGURU ELMU GOIB, NYAHO? LAMUN LAKULAMPAH MANEHNA  ANU KU MANEH  JADIKEUN SABAB KABALANGSAKAN MANEH, BERARTI MANEH NU BALANGSAK, MANEH NU GOBLOG, MANEH NU SALAH SANGKA! ETA NU DI SEBUT KAGOBLOGAN MANUSA TEH, KAGOBLOGAN MANEH, ITEUNG! NGARTI MANEH?  ITEUNG      : ASTAGFIRULLAHHALADZIM.. HAPUNTEN ITEUNG, KI. MUHUN, KI. KAHARTOS, KI.. KAHARTOS.KABAYAN   : REK NYALAHKEUN LAKULAMPAH SALAKI MANEH KENEH?ITEUNG      : MOAL, KI.. MOAL BAKALAN.KABAYAN   : HE’EUH… LAMUN KITU, AING REK BALIK AYEUNA. TAPI..ITEUNG      : TAPI NAON, KI?KABAYAN   : AYA HIJI KAGOBLOGAN KENEH ANU KU MANEH KUKUT, ITEUNG!ITEUNG      : KAGOBLOGAN, KI?KABAYAN   : NAHA ATUH SIATEH, ITEUNG! AI AING MOAL DISUGUHAN SASAJEN KU SIA? REK NGANTEUP AING MANTOG KITU WAE? AH BENER SIA MAH, MENI EWEH KA HIDENG!ITEUNG      : GUSTI NU AGUNG.. HAPUNTEN, KI.. ITEUNG HILAP. SOK AKI HOYONG NAON, KI?KABAYAN   : EMH.. EMH.. CIK AING HAYANG GETIH BODAS JEUNG GETIH BEUREM!ITEUNG      : GETIH BODAS JEUNG GETIH BEUREUM, KI ?KABAYAN   : ENDOG GOBLOG, ENDOG HAYAM!ITEUNG      : OH ENDOG HAYAM ETA TEH? TA..TAPI.. ITEUNG TEU GADUH ENDOG HAYAM, KI.KABAYAN   : MANEH TEU GABLEG, TAPI BAPA MANEH BENGHAR, MANEHNA MIARA ENDOG HAYAM LOBA! PIRAKU TEU MERE BASA TILU SIKI ACAN MAH?ITEUNG      : OH ENYA, KI.. KU ITEUNG CANDAKEUN HEULA NYA.KABAYAN   : TILU SIKI ULAH KURANG!ITEUNG      : MUHUN, KI.. (INDIT)KABAYAN   : ONTOHOD! MENI DI BEAKEUN SORANGAN GOBLOG TEH SIA MAH. (KABAYAN MINUM) ITEUNG      : MANGGA, KI. (MAWA ENDOG)KABAYAN   : HE’EUUH… (DAHAR ENDOG) HATUR NUHUN, NYAI. AYEUNA AKI BADE UIH HEULA, KU AKI DU’AKEUN MEH DIGAMPILKEUN RIZKINA, DI JAUHKEUN TI SAGALA MUSIBAH. HEUP! (SARE DEUI)(ITEUNG MERENYAHO BAPANA DI SAWAH, BALIK DEUI KA IMAHNA DUAAN JEUNG BAPANA)ITEUNG      : TUH, BAH. SI AKANG NA BOBO KENEH.ABAH          : SOK GEURA HUDANGKEUN, NYI. DAEK TEU DAEK MANEHNA KUDU NGABEBERKEUN SAHA MANEHNA SABENERNA. HAYOH, NYAI. GEURA HUDANGKEUN!ITEUNG      : KANG.. KANG KABAYAN.. KANG.. GEURA GUGAH KANG.. KANG..KABAYAN   : NAON, ITEUNG SIA TEH. GEUS DIJADIKEUN KARESEUP SIAMAH NGAGANGGU BATUR TEH, AYA NAON?ITEUNG      : SANES KITU KANG, EMH.. AYA ABAH KANG.KABAYAN   : REK NAON DEUI, HAH? NGAJAK KA SAWAH? BEJAKEUN “KANG KABAYAN NA NGAJI KENEH, ABAH!”ABAH          : LAIN KABAYAN, ABAH LAIN REK NGAJAK KA SAWAH. PUGUH ABAH TEH KARAK BALIK TI SAWAH. YEUH TINGALI. ABAH MAWA BONTENG. MANEH HAYANG?KABAYAN   : HAYANG ATUH BAH!ABAH          : KABAYAN..KABAYAN   : KULAN ABAH..ABAH          : PAN MAEH TEH GEUS AMPIR SATENGAH TAUN JADI MINANTU ABAH.KABAYAN   : WAH, NU BENER IEU TEH, BAH?ABAH          : BENER KABAYAN. NAH.. TI MIMITI ABAH NGAWINKEUN MANEH JEUNG ANAK ABAH, ABAH TEH CAN NYAHO SAHA MANEH NU SABENERNA.KABAYAN   : CAN NYAHO ABDI NU SABENERNA?ABAH          : HE’EH, KABAYAN.KABAYAN   : AH PIRAKU ATUH, BAH? APANAN TATADI TEH KU ABAH DI SESEBUT, KABAYAN… KABAYAN.. TAH ETA ABDI TEH, KABAYAN, BAH!ABAH          : LAIN NGARAN MANEH, BELEMOH. TAPI SAHA MANEH NUSAEUNYANA,NU SAEUNYA-EUNYANA!KABAYAN   : OH.. JADI MAKSUDNA ABAH TEH PANASARAN KENEH KA ASAL-USUL  ABDI? ABAH HAYANG NYAHO TIMANA ABDI SABENERNA?ABAH          : LAIN ETA, KABAYAN.. LAIN ETAAAAA!! MASALAH TIMANA MANEH SABENERNA MAH GEUS LAIN SOAL DEUI KEUR ABAH. MANEH, SARUA JEUNG ABAH, SARUA JEUNG NYAI ITEUNG ANAK ABAH. NYAETA ASALNA TI GUSTI ALLAH. GUSTI NU MAHA SAGALAGALANA. APANAN ETA ANU KU MANEH OMONGKEUN HAREUPEUN SI LEBE BASA MANEH KEUR DI NIKAHKEUN KA ANAK ABAH. KABAYAN  : NYA TERAS NAON ATUH NU AREK DI TANYAKEUN KU ABAH TEH AI MASALAH NGARAN JEUNG ASAL-USUL ABDI GEUS TEU JADI SUAL MAH?ABAH          : KIEU KABAYAN. MANEH TEH GEUS JADI BAHAN OMONGAN NU GORENG KU WARGA SALEMBUR, LANTARAN  KALAKUAN MANEH SORANGAN ANU NAPAKEUN KAGORENGAN. BATUR MAH NYAHO NA MANEH TEH PANGEDULAN, KABAYAN . JEUNG DEUI.. ABAH MINEUNG OGE NYAREKAN MANEH LANTARAN ABAH SORANGAN ANU NYAKSIAN KAKEDULAN MANEH. TAPI SANAJAN KITU, AYA RASA PANASARAN ANU GEDE KA MANEH, ANU KU ABAH SIMPEN DIDIEU (HATE). NAH.. AYEUNA MEH EWEUH DEUI SALAH SANGKA ANTARA MANEH, ABAH, ITEUNG, JEUNG WARGA SALEMBUR. ABAH MENTA, KABAYAN NYARITAKEUN SAJENTRE-JENTRE NA KA ABAH, NAON ANU KU MANEH GAWEAN TUKANGEUN LAKULAMPAH MANEH NU NYIRIKEUN PANGEDULAN.KABAYAN   : HEUH NYA CEUK AING GE NAON, PASTI WEH MASALAH ETA! YEUH ,BAH ,NYA. MOAL GE GANCANG KA HARTI KU ABAH JEUNG KU NYI ITEUNG MAH?ABAH          : NAHA KITU?KABAYAN   : NYA LANTARAN ABAH JEUNG NYI ITEUNG TEH BODO! BUKTINA GEUS MINEUNG KU ABDI BEJA’AN KA NYI ITEUNG, ABDI TEH SANES KEUR BOBO, TAPI ABDI TEH NUJU NGAOS, KEUR NGAJI! TAPINA DA KITU, TEU NGARTI-NGARTI!ITEUNG      : TAPI DA AYEUNA MAH ITEUNG TEH TOS NGARTI, AKANG.KABAYAN   : NGARTI NAON MANEH? NGARTI AING PANGEDULAN?ITEUNG      : ENYA’AN AKANG, ITEUNG TEH NGARTOS AYEUNA MAH!KABAYAN   : NGURTAS NGARTOS AI MANEH! YEUH DENGEKEUN KU MANEH, ITEUNG! NAON NU KU AING GAWEAN SAPOPOE, MOAL GANCANG KAHARTI KU MANUSA MODEL MANEH JEUNG ABAH MANEH MAH! KUSABAB SU’UDZON JEUNG GENGSI NU KU MARANEH GEDE KEUN!ABAH          : ISTIGFAR ATUH, KABAYAN. ULAH GANCANG EMOSI.. KIEU, KABAYAN.. SABENERNA BIEU TEH ALMARHUM BUYUT NA NYI ITEU HADIR KA IMAH IEU.KABAYAN   : ALMARHUM BUYUT NA NYI ITEUNG?ABAH          : HE’EUH. ANU MAKAM NA MINEUNG DI ZIARAHAN KU ABAH.KABAYAN   : TERUS?ABAH          : TAH.. ANJEUNA ANU MERENYAHO, YEN SABENERNA SARE MANEH TEH LAIN SAMBARANGAN SARE, TAPI MANEH TEH KEUR NGAGURU ELMU GOIB, KABAYAN.KABAYAN   : NYA’AN ETA TEH?ITEUNG      : LEREUS, KANG.KABAYAN   : HARAM JADAH ETA MEMEDI!! MEUNI EWEUH BASA NA PISAN KA AING! JANGJI MOAL NGABONGKAR RUSIAH SOAL SAHA AING SAENYA NA, GEUS DI KHIANATAN KU MANEH NA!!ABAH          : ELING, KABAYAN! ETATEH BUBUYUTAN URANG SAREREA!KABAYAN   : HALAHH!! PADULI TEUING! MUN KIEU CARANA MAH, MANEHNA GEUS WANI MODOLAN AING TI TUKANG! AING TEU NARIMA!! POKONA AING TEU NARIMA!! TINGALIKEUN.. KAPANGGIH DJEUNG AING, KU AING BERIK!! KU AING TALIPAK KU DUA SUKU TANGKURAKNA!ABAH          : REK KUMAHA DEUI ATUH, KABAYAN. AYEUNA PAN ABAH JEUNG NYI ITEUNG TEH KAPALANG NYAHO.. SO ATUH AYEUNA MAH ABAH JEUNG NYI ITEUNG NYUHUNKEUN KASADIAAN KABAYAN SUPADOS NYARITAKEUN SADAYANA, NYARITAKEUN SAJENTRE-JENTRENA.KABAYAN   : MEH NAON ABAH JEUNG, NYI ITEUNG NYAHO, HAH? MEH NAON?ABAH          : NYA SUPAYA EWEUH KASALAH PAHAMAN DEUI ANTARA URANG, KABAYAN. AWON KABAYAN, AWON MUN NEPIKEUN AYA KA SALAH PAHAMAN KENEH ANTARA URANG TEH.KABAYAN   : NYAENGGEUS, GEUS KAPALANG OGE ETA MAKHLUK NGA BEBERKEUN RAHASIA URANG. HEM… TAPI SATEUACAN NA KABAYAN MENTA SUPAYA ABAH JEUNG NYI ITEUNG NGAJAGA PISAN KA IEU RUSIAH!ITEUNG      : MUHUN, KANG.ABAH          : ENYA, KABAYAN.KABAYN     : DAEK SUMPAH?ABAH          : SUMPAH NAON, KABAYAN?KABAYAN   : SUMPAH KA GUSTI ALLAH NUMAHA SUCI.ABAH          : DAEK, KABAYAN. TAPI KUMAHA CARA NA?KABAYAN   : SOK AYEUNA ANGKAT PANDANGAN ABAH SAREUNG NYAI ITEUNG KA LUHUR! TUTURKEUN NAON NU DI CARIOSKEUN KU KABAYAN! “DEMI ALLAH NUMAHA SUCI! ABDI BADE NGAJAGA RUSIAH NGEUNAAN SAHA JEUNG KUMAHA SABENERNA SI KABAYAN”(ITEUNG JEUNG ABAH NGALAKONAN NAON NU DIPARENTAHKEUN KU SI KABAYAN)KABAYAN   : SOK SILA DIDINYA, HAREPEUN KABAYAN!. DENGANGUKEUN! GEUS HAMPIR LEUWIH TI DUA MINGGU SABENERNA NABI HIDIR MINEUNG MANGGIHAN URANG!ABAH          : NABI HIDIR?KABAYAN   : ENYA, NABI HIDIR. APAL TEU ABAH SAHA NABI HIDIR TEH?ABAH          : APAL ATUH KABAYAN, CEUK SI LEBE GE, NABI HIDIR MAH ANU CICING DI JERO CAI.KABAYAN   : HE’EUH.. TAPI GEUS DUA BULAN IEU ANJEUNA MINEUNG DATANG MANGGIHAN URANG.ABAH          : MANGGIHAN MANEH, KABAYAN?KABAYAN   : HE’EUH! ANJEUNA MANGGIHAN URANG, MUN URANG KEUR DIUK SORANGAN DIDITU GIGIREUN WAHANGAN! ATAWA MUN URANG KEUR SARE DIDIEU! TAH.. DINA WAKTU ETA URANG NGAGURU ELMU KA ANJEUNA, NGADENGEKEUN SAGALA DAWUHAN NANA TENTANG KA AYA’AN ALAM DUNIA DI ZAMAN AYEUNA.ABAH          : OH KITU? NAON CEUNA CEUK ANJEUNA, KABAYAN?KABAYAN   : ANJEUNA NYARITA, YEN ALAM DUNIA DI ZAMAN AYEUNA TEH GEUS SERBA SALAH! KABEH MANUSA GEUS MARENTINGKEUN BETEUNG NA SORANGAN, GEUS KALEUNGITAN RASA PERCAYA KA DIRI SORANGAN! ETA KABEH KUSABAB BUBUYUTAN URANG ANU GEUS NUNGTUN URANG KA JALAN NU TEU BALEG! HEUH… UNTUNG ANJEUNA GEUS MERE NYAHO KA URANG, KUMAHA SAKUDUNA URANG NUNGTUN KA JALAN NU ANYAR.ABAH          : AH.. SUKUR ATUH AI KITU MAH, KABAYAN. KUMAHA CEUNA SAKUDUNA URANG TEH?KABAYAN   : ETA RUSIAH NU KADUA! TEU MEUNANG DICARITAKEUN AYEUNA!ABAH          : ELUH… NYA’AH PISAN ATUH AI KITU MAH… TAPI TEU NANAON LAH, NU PENTING MAH AYEUNA ABAH TEH NYAHO YEN MANEH TEH MINEUNG KAPANGGIH JEUNG NABI HIDIR, KU KITUNA ABAH JADI NYAHO, SAHA MINANTU ABAH TEH NU SABENERNA… NAH .. NYI ITEUNG, MULAI AYEUNA ULAH SAMBARANGAN NGALAYANAN SALAKI MANEH TEH, NYA?ITEUNG      : MUHUN, BAH. TI AYEUNA ITEUNG BADE MASIHAN SERPIS NU PANG SAENA KANGGE KANG KABAYAN.ABAH          : TAH.. AYEUNA MANEH KA IMAH ABAH, JAM SAKIEU PASTI SI AMBU ANYAR BERES NYANGU JEUNG NGASAKAN DENGEUN. CIK GEURA MUNGKUSAN JEUNG SALAKI MANEH, ANJEUNA PASTI CAN BARANGHAKAN TI ISUK. ABAH SORANGAN MOAL LANGSUNG BALIK KA IMAH SOALNA, REK AYA PERLU HEULA SAKEDEUNG.ITEUNG      : MUHUN, BAH.ABAH          : MANGGA KABAYAN, HATUR NUHUN PISAN GEUS SADIA NYARITA KA ABAH. ASSALAMUALAIKUM.KABAYAN   : ENYA, BAH. SAMI-SAMI. WA’ALAIKUMUSSALAM.ITEUNG      : WA’ALAIKUMUSSALAM. HAYU BAH KU ITEUNG JAJAPKEUN KA PAYUN..ABAH          : HE’EH HAYU, NYAI.ITEUNG      : ABAH BADE KA SAWAH DEUI?ABAH          : MOAL DA GEUS BERES PAGAWEANA GE, ABAH REK KA TEUN SI LEBE.ITEUNG      : OH ENYA ATUH, BAH. HATUR NUHUN NYA, BAH. KADE DI JALAN.KABAYAN   : REK KAMANA CEUNA AKI-AKI?ITEUNG      : REK KATEUN MANG LEBE NYARIOS NAMAH, KANG.KABAYAN   : NAON? KA TEUN MANG LEBE?ITEUNG      : MUHUN, KANG.KABAYAN   : EMH.. DASAR JELEMA GOBLOG!ITEUNG      : KUNAON DEUI KARAH, KANG?KABAYAN   : MOAL JAUH TANGKURAKNA MAH PASTI NGABANGUS KA SI LEBE!ITEUNG      : MOAL ATUH, KANG. APANAN SI ABAH TEH TOS NGUCAP JANGJI KA GUSTI ALLAH.KABAYAN   : HE’EUH BENER. TAPI AING NYAHO KALAKUAN ABAH MANEH. AHHH!! NYA ENGGEUS, CIG GEURA MANGKAT MUN MANEH REK MANGMUNGKUSKEUN SANGU JEUNG DENGEUN DI IMAHNA. AKANG GE REK KA WAHANGAN HEULA. ASSALAMUALAIKU.ITEUNG      : WA’ALAIKUMUSSALAM. KADE KANG DI JALAN.(TEU LILA ITEUNG BALIK DEUI BARI MAWA RANTANG, BERES NENDEUN RANTANG HANDAPEUN TUDUNG SAJI, MANEHNA SASAPU TI JERO-TERAS IMAH. TOROJOL MANG LEBE)LEBE           : NYAI ITEUNG!ITEUNG      : KAH.. EH.. AYA NAON MANG LEBE?LEBE           : MANA SALAKI MANEH?ITEUNG      : OH.. SI AKANG NUJU KA WAHANGAN.LEBE           : OH KITU.. KIEU, NYAI. MANG LEBE TEH NGADENGE CARITA NU ANEH NGEUNA’AN SALAKI MANEH.ITEUNG      : CARITA NAON, MANG LEBE?LEBE           : MEUNANG BEJA MANEHNA MINEUNG AMPROK JEUNG NABI HIDIR.ITEUNG      : AH.. CEUK SAHA ETA TEH, MANG?LEBE           : JEH.. PUGUHAN CEUK ABAH MANEH.ITEUNG      : SSTTT.. ULAH GANDEN, MANG LEBE. IEU TEH RUSIAH NA KANG KABAYAN!LEBE           : NAHA NU PASUALAN KIEU KUDU DI RUSIAHKEUN? DENGEKEUN, NYI ITEUNG! NABI HIDIR TEH LAIN RUSIAH. GEUS DI JELASKEUN NA KITAB-KITAB ISLAM OGE, YEN NABI HIDIR MAH NYAETA HAMBA ALLAH ANU KARAMAT, ANU CICING NA TEH DINA JERO CAI! JEUNG DEUI NYA, ANJEUNA TEH KUNGSI NGAGURUAN NABI MUSA. MUN AYEUNA ANJEUNA NGAGURUAN SALAKI MANEH, ARTINA SALAKI MANEH TEH LAIN SAMBARANG JELEMA. HAH.. NYA PUGUH WE KALAKUAN SALAKI MANEH TEH RADA TEU UMUM, RADA BEDEGONG. PADAHAL MAH SI KEHED TEH LAIN SAMBARANG JELEMA.ITEUNG      : ENYA MUHUN, MANG. TAPINA KANG KABAYAN TEH ALIMEUN PISAN PASUALAN IEU DI PIKANYAHO KU BATUR, MANG!LEBE           : KUMAHA, NYI? SALAKI MANEH EMBUNGEUN PASUALAN IEU DI PIKANYAHO KU BATUR? ETA TANDANA SALAKI MANEH TEH EMANG LAIN SAMBARANG JELEMA. TANDANA SALAKI MANEH TEH AMPIR NYARUA’AN DARAJAT WALI. TAPI, NYAI. DALIL AL-QUR’AN ANU NGABEJAAN, YEN ELMU NU SAE TEH KUDU DI SEBARKEUN KA UMUM, TEU MEUNANG DI KEUKEUPAN SORANGAN.ITEUNG      : ENYA, MANG LEBE. LERES.. TAPI.. TAPI DA KUMAHA ATUH IH ITEUNG JADI RUDET SORANGAN, MANG IH…..KABAYAN   : ELEUH.. GEUNING AYA MANG LEBE, IEU TEH? AH.. KABENERAN MANG EUY.LEBE           : KABENERAN NAON, KABAYAN?KABAYAN   : BIEU PISAN BASA URANG KEUR DI WAHANGAN, AYA NU MERE BEJA CEUNAH URANG TEH KUDU MERE CAI IEU KA SAHA-SAHA JELEMA NU DATANG KA IMAH URANG. EH.. JOL TEH MANG LEBE NU BOGA KASEMPETAN KA HIJI.LEBE           : KUMAHA, KABAYAN? SAHA NU MERE BEJA MANEH TEH? NABI HIDIR LAIN?KABAYAN   : GEUS TONG SOK LOBA TANYA, BURU GEURA DI INUM ETA CAI NA, BISI TI’IS MANTEN!LEBE           : NYA EMANG GEUS TI’IS ATUH IEU MAH, KABAYAN.KABAYAN   : HE’EH ENGGEUS BURU GEURA DI INUM!LEBE           : SIAP, KABAYAN. (NGALAMUN SAKEDEUNG TULUY MESEM) HUH.. TEU SALAH IEU MAH. URANG APAL BASA NABI MUSA NARIMA ROHMAT TI NABI HIDIR, ANJEUNA GE ULAHEUN LOBA TATANYA NYAHO, TEUNG. HEHEHE.. DI INUM, KABAYAN?KABAYAN   : NYA MANGGA, MANG.LEBE           : HEMMHH… NAHA HANYIR EUY, KABAYAN?KABAYAN   : NYA TANYAKEUN WEH KA DIRI SORANGAN, SAHA NU HANYIR!LEBE           : OH.. JADI.. JADI URANG NU BAU TEH, KABAYAN?KABAYAN   : GOBLOG! MAKE NANYA DEUIH!LEBE           : OH.. PUNTEUN, KABAYAN. PUNTEUN. NYA ATUH KU ABDI SE’EPKEUN ATUH NYA CAI NA?KABAYAN   : HE’EH HAYOH ATUH SIA TEH, NGAN KALAH HAYOH WEH NGABACEO!LEBE           : ENYA, KABAYAN.. HAMPURA.. (NGINUM TEPI KA BEAK) AHH… SEGER, KABAYAN. HEHE… HATUR NUHUN PISAN, KABAYAN. NUHUN GEUS MERE KA SEMPATAN KA ABDI KEUR NGINUM CAI BAROKAH ANU PERTAMA.KABAYAN   : SAMI-SAMI, MANG. GEUS ATUH CIG GEURA BALIK AYEUNA. ULAH POHO! CARITAKEUN OGE KA PARA WARGA TENTANG PASUALAN IEU.LEBE           : SIAP KABAYAN, PASTI.. PASTI KU URANG CARITAKEUN SA JENTRE-JENTRENA TETANG PASUALAN IEU KA PARA WARGA. MANGGA KABAYAN, NYI ITEUNG. ASSALAMUALAIKUM.ITEUNG      : WA’ALAIKUMUSSALAM.KABAYAN   : WA’ALAIKUMUSSALAM, NAH.. NYAI, GEUS KATINGALI KU AKANG AYEUNA, BAKAL LOBA TAMU TIMANA-MANA NU DATANG KA IMAH URANG. SOK SADIAKEUN GENTONG JEUNG GAYUNG NA, TONG POHO OGE, GENTONG ETA KUDU DIEUSIAN CAI TI WAHANGAN KU MANEH UNGGAL WAKTU.ITEUNG      : ENYA, KANG. TAPI, KANG…KABAYAN   : NAON DEUI AI MANEH?ITEUNG      : LAIN NA AKANG ALIM RUSIAH AKANG DINYAHOAN KU BATUR, NYA KANG?KABAYAN   : NYA APANAN ETA MAH BIEU SAENCAN AKANG INDIT KA WAHANGAN, AYENA MAH BEDA ATUH SIAMAH, ITEUNG.ITEUNG      : OH.. NYA LAMUN KITU MAH SI ABAH GE TEU NANGUNG DOSA LANTARAN NGABONGKAR RUSIAH AKANG ATUH, NYA?KABAYAN   : HEEEYYY… HEYYY.. HEEEYY… HEEEYY… HEEYYY… NGEUNAH SIAH NGABANGUS TEH! NYA ANGGEUR ATUH NANGGUNG DOSANA, EMANG NA REK DITANGGUNG KU SAHA/ KU MANEH, ITEUNG? ABAH MANEH MAH LAIN NGADOSA NA LAIN KA URANG, TAPI KA GUSTI ALLAH. APANAN ABAH MANEH SORANGAN NU GEUS SADIA NGUCAP SUMPAH KA GUSTI ALLAH. AI NYAI TEU APAL KITU SAHA GUSTI ALLAH TEH?ITEUNG      : NYA APAL ATUH KANG IH..KABAYAN   : TAH.. AI KITU MAH MANEH SORANGAN GE BISA NGABAYANGKEUN KUMAHA JADINA JELEMA NU GEUS NGALANGGAR SUMPAH KA GUSTI ALLAH.ITEUNG      : HIHH… MUHUN KANG KABAYANG, BAKALAN CILAKA HIRUPNA DIDUNIA JEUNG AKHERAT, ETA HUKUMULLAH ANU BAKAL DATANG NGAANCAM SI ABAH…. DUUHH GUSTI KARUNYA SI ABAH, KANG.. KARUNYA…(TI SAMENJAK KAJADIAN ETA LOBA JELEMA ANU MENTA CAI NU GEUS DISAREATAN KU SI KABAYAN. KABAYAN BEUNGHAR KUSABAB CAI SAREAT NU DI PENTA KU BATUR TEH TEU GRATIS, TEU ANEH MUN AYEUNA DI IMAH NA LOBA NU RUBAH. HIJI POE, AYA OPAT PASIEN MANEH NA ANU GEUS KARESEL NUNGGUAN MANEH NA LANTARAN AMPIR LEWIH TI LIMA JAM ARANJEUNA NUNGGUAN SI KABAYAN. TILU LALAKI HIJI AWEWE. TORJOL NYI ITEUNG MUKA PANTO)AWEWE     : ETEH, IRAHA DER NA ATUH IEU TEH, IH. MEUNI LILA PISAN?ITEUNG      : ADUH, ETEH. PUNTEUN. ABDI SORANGAN GE TEU WANI NGAGUGAHKEUN NA, EUNG. ANTOSAN WE ATUH NYA, TEH. SABAR.AWEWE     : OH.. ANJEUNA TEH SARE KENEH?ITEUNG      : SARE? NYA MUHUN MEREUN KITU. TAPI DA SABENERNA MAH SI AKANG TEH SANES SARE, ETEH. MANGGA ATUH, NYA. ABDI KA LEBEUT HEULA.AWEWE     : SARE, TAPINA LAIN SARE?LALAKI 1    : NYA HE’EUH ATUH, ETEH. APANAN ANJEUNA MAH BEDA JEUNG ARURANG. MUN URANG MAH, SARE TEH ENYA’AN SARE, BARI JEUNG NGADAHDIR.AWEWE     : NYA NAON BEDA NA ATUH JEUNG ANJEUNA?LALAKI 2    : NYA BEDA ATUH, ETEH. SOK GAGABAH TEUING NYARIOS TEH SI ETEH MAH. YEUH NYA, A, ETEH. DENGENKEUN! JELEMA ANU DARAJATNA SARUA JEUNG WALI, LAKULAMPAHNA HESE KA TEBAK. CEUK BATUR MAH, NYA TEH. MUN TEU SAPOPOE ANJEUNA SARE, SAPOPOE ANJEUNA NGEKEUPAN DENGKUL DI GIGIREUN WAHANGAN. MINGGU KAMARI SAYAH, SAYAH TEU BEUBEUNANGAN KUSABAB SI ANJEUNA SARE SAPOPOE.LALAKI 1    : JADI SI AA TEH GEUS KA DUA KALI NA DATANG KA DIEU?LALAKI 2    : MUHUN, A.LALAKI 1    : AI SI AA TI MANA KITU?LALAKI 2    : SAYAH TI CITEUREUP, A.LALAKI 1    : EUH.. CAKEUT KENEH ATUH, NYA. MUN SAYAH JEUNG SI ETEH IEU TI CIANJUR, A. RADA BARABE OGE MUN AYEUNA TEU TIASA MENDAKAN ANJEUNA.LALAKI 3    : NYA ABDI ATUH NU PANG RIPUH NA MAH.LALAKI 1    : NAHA KUNAON KITU, A?LALAKI 3    : SABAB ABDI LEUWIH JAUH DEUI, A, ETEH. ABDI TI BANDUNG.AWEWE     : TI BANDUNG? ETAAHH… JADI NU TI BANDUNG GE GEUS NYARAHOEUN DI LEMBUR IEU TEH AYA JELEMA ANU SAKTI?LALAKI 2    : ATUH NYA NGARANA GE MANUSA, ETEH. SAKALI NGADEGE CARITA NU TEU UMUM, BIWIR TEH ASA ARATEUL MUN TEU DI CARITAKEUN DEUI KA NU SEJEN. TONG BORO SI AKANG IEU NU TI BANDUNG. MINGGU KAMARI BASA SAYAH KADIEU TEU BEUBEUNANGAN TEA GE, NU NGABATURAN SAYA BARI JEUNG SARUA NUNGGUAN ANJEUNA TEH AYA NU TI SUKABUMI, TI SUMEDANG, JEUNG DEUI NU LEUWIH RIPUH, NYA TEH. AYA JELEMA ANU NGAKUNA TI JAWA TENGAH. RIPUH TEU TAH? MANGKANING TEU BEUBEUNANGAN DEUI POE ETA TEH.LALAKI 3    : ELEUH… SE’EUL PISAN NYA JIGANA ETA JELEMA?AWEWE     : NYA PUGUH ATUH ETAMAH, A. TEUBIH PISAN. EH.. A.. TAPI KUMAHA CEUNAH, A, CEUK JELEMA NU GEUS PERNAH MEUNANG SAREAT TI ANJEUNA TEH? KARASA KASIAT NA TEU, CEUNAH, A?LALAKI 2    : AYA, TEH, TATANGGA SAYAH. TI SAMENJAK MANEHNA GEUS DUA KALI DATANG MENTA SAREAT KA ANJEUNA. NGADADAK MANEHANANA DI PERCAYA NGAHUTANG JEUNGEUN MODAL USAHA KU NU BOGA DUIT DI LEMBUR SAYAH. AYEUNA USAHANA ALUS, JEUNG DEUI AYEUNA USAHA NA MAJU, LAH.. HADE POKONAMAH, TEH.AWEWE     : OH, KITU? TAPI PAN, A. ETA MAH MASALAH DAGANG, MEREUN, NYA? NU KU URANG HAYANG NYAO TEH, LAIN SAUKUR MASALAH DAGANG, TAPI MASALAH NU SEJEN OGE, A.LALAKI 3    : MUN CEUK ABDI MAH, NYA TEH. REK KUMAHA JEUNG SAKUMAHA PASUALAN NU REK KU URANG LUHLAH KEUN KA ANJEUNA AYEUNA, ETA BALIK DEUI KA KAYAKINAN URANG SORANGAN, MUN URANG NGAYAKINAN KU SAYAKIN YAKIN NA, NYA PASTI BAKALAN KARASA KASIAT NA. KITU OGE SABALIKNA, MUN URANG TEU NGAYAKINAN,  MENDING KENEH ULAH DATANG KADIEU, TEH, A. DA PERCUMA ATUH.LALAKI 1    : LERES PIAN, A. SATUJU DA SAYAH MAH. TAPI, A. PASUALAN YAKIN ETA TEH, YAKIN KA SAHA ATUH NYA, A?LALAKI 3    : NYA KANA KASIAT CAI SAREAT NU BAKAL KU URANG TARIMA ATUH, A. KANA KA SAEAN JIWA NU MASIHAN CAI SAREAT NA OGE.LALAKI 2    : MUN SAYAH NYA, A. SAYA MAH NGAN SA’UKUR YAKIN KA GUSTI ALLAH, GUSTI NU MAHA ASIH. TAPI DA URANG TEH HESE MEUNANGKEUN KA ASIHAN-NANA TEH, KUSABAB AWAK URANG TEH KOTOR, URANG TEU BISA MENTA LANGSUNG KA GUSTI ALLAH. ETA SABAB NA URANG LUMPAT KA DIEU, MEH DI PANGMENTAKEUN KU ANU GEUS BERSIH TINA ITU IEU NA. JEUNG DEUI ENGKE, CAI SAREAT NU BAKAL KU ANJEUNA BERE KA ARURANG TEH, ETA TEH CAI PARANTI NGUMBAH KOKOTOR ANU NARAPEL DINA AWAK URANG.LALAKI 3    : NYA SARUA WAE ATU AI KITU MAH, A. INITINAMAH URANG-URANG DATANG KA DIEU TEH KUSABAB URANG-URANG TEH TEU BISA NULUNGAN DIRI SORANGAN KUSABAB URANG-URANG NU AYEUNA AYA DIDIEU TEH KOTOR, TEU BESIH, ATANAPI MUNGKIN OGE KUSABAB URANG-URANG NU AYA DIDIEU TEH JAUH JEUNG GUSTI ALLAH. TAPI DA HAKEKATNA MAH TEU JAUH DINA KAHIRUPAN SAPOPOE, A, TEH. URANG HIRUP DI DUNIA, ETA TEU BISA MUNGKIR YEN URANG TEH BUTUH KANA PITULUNG BATUR. SOK YEUH, TEH, A. BISA MOAL MUN BU’UK URANG GEUS NYOLOKAN KANU PANON ATAWA GEUS NGELEKETEK KANU CEULI TULUY URANG REK NEUKTEUKAN SORANGAN? URANG BUTUH PITULUNG TUKANG CUKUR PAN? JEUNG DEUI MUN URANG HAYANG BOGA BAJU ALUS, URANG BUTUH PITULUNG TUKANG JAIT? TEU BEDA JEUNG URANG-URANG NU AYEUNA, ANU BUTUH DISAREATAN, URANG DATANG KA SAHA? KA ANJEUNA PAN? KITU A, TEH..AWEWE     : BENER OGE, NYA? EH.. TAPI, A. NAHA ATUH SI AA TEU MAWA BOTOL?LALAKI 3    : BOTOL? KUDU PISAN KITU MAWA BOTOL?LALAKI 2    :  ANU “NGUDUKEUN PISAN” MAH TEU AYA, A. SAYAH GE DA TEU MAWA. PALINGAN ENGKE ANJEUNA NITAH URANG NGINUM CAI SAREATNA DIDIEU.AWEWE     : TAPI DEDENGEAN URANG MAH, ALUS NA MAH SIH MUN URANG MAWA BOTOL, A. MEH CAI SAREAT NU KU URANG TARIMA DIDIEU, BISA DICAMPURKEUN JEUNG CAI SUMUR DI IMAH URANG, A.LALAKI 2    : TEU SALAH ETA GE, TEH. TAPI ETEH ULAH BOGA SASANGKAAN YEN URANG-URANG KADIEU TEH NGAN SAUKUR REK MENTA CAI SAREAT ETA. CAI SAREAT ETA MAH NGAN SAUKUR NGABERSIHKEUN KOKOTOR NU NARAPEL DINA AWAK URANG, TEH. TAPI PAN URANG GE HAYANG MEREUN SAENGGEUS AWAK URANG JAUH TINA KOKOTOR, URANG TEH TULUY DIBERE REDONA GUSTI NU MAHA KAWASA MEH SAGALA NU DI PIKAHAYANG KU URANG TEH DI IJABAH? NAH KU KITUNA, SUPAYA NAON ANU DIPIKAHAYANG KU URANG-URANG TEH DI IJABAH, ANJEUNA NU AYA DIDIEU NU BAKAL MANG MANJATKEUN KAHAYANG URANG-URANG TEH KA GUSTI ALLAH NGALIWATAN SOLAT JEUNG DU’ANA.AWEWE     : OH KITU, A? JADI NU PENTING MAH DATANG NA URANG-URANG KADIEU TEH LAIN NGAN SAUKUR NARIMA CAI SAREAAT ETA? TAPI JEUNG MENTA PITULUNG MEH NAON NU DIPIKAHAYANG KU URANG TEH DI MANG MANJAT KU ANJEUNA KA GUSTI ALLAH NGALIWATAN SOLAT JEUNG DU’ANA?LALAKI 2    : TAH ETA PISAN, TEH.LALAKI 3    : TAPI, A. AI SI AA SORANGAN MEUNANG NYAHO TISAHA ETA KITU CARANA? APANAN SI AA SORANGAN GE CAN PERNAH PEPENDAK SAREUNG ANJEUNA?LALAKI 2    : PAN TATANGGA SAYA TEA NU GEUS KUNGSI PAPANGGIH JEUNG ANJEUNA. JEUNG DEUI SANAJAN SAYAH CAN PERNAH MANGGIHAN ANJEUNA, SAYAH MAH GEUS BOGA SANGKAAN CARA ANJEUNA NULUNGAN URANG-URANG TEH KITU, A.(KABAYAN KALUAR BARI NGEREMUS BONTENG)LALAKI 2    : ITU SI AKANG!AWEWE     : SAMPURASUN, KANG.DITUTURKEUN KU LALAKI 1, 2,  JEUNG 3)KABAYAN : RAMPES. (NYAMPEURKEUN KANDANG MANUK) NYI.. NYI ITEUNG!ITEUNG      : KAH..KABAYAN   : BURUKEUN KADIEU.ITEUNG      : AYA NAON, KANG?KABAYAN   : AI MANEH MEUNI KU HESE-HESE TEUING ATUH ITEUNG NGADENGE OMONGAN SALAKI TEH, HAH? CEUK AKANG OGE LAMUN NINGALI CAU GEUS TINGGAL CANGKANGNA HUNGKUL TEH BUBURU GANTI KU NU ANYAR. TAH ILIK KU MANEH, PIRAKU REK DI TITAH MEAKEUN JEUNG CANGKANG NA OGE, IEU SI MAIKEL?  DAEK KITU NYAH KU AKANG TITAH NGALEBOK BEAS JEUNG KARUNG-KARUNG NA?ITEUNG      : NYA ALIM ATUH KANG IH, KUMAHA CEUNAH AI SI AKANG? ITEUNG TEH HILAP, AKANG. KEDAP ATUH ITEUNG NYANDAK CAU NA HEULA NYA, KANG.KABAYAN   : HILAP JEUNG BOLO’ON TEH BEDA TIPIS SIA TEH, ITEUNG. ADUH SIAH. SABAR NYA MAIKEL, EMANG RADA “EWEUHAN” INDUNG MANEH MAH. TUNGGUAN NYA, ABAH REK NYAREATAN SEMAH-SEMAH ABAH NU RADA AREWEUHAN OGE HEULA, NYA?LALAKI 2    : HEHE.. KANG.KABAYAN   : HAYU BURU GEURA ARASUP.SEMAH       : HATUR NUHUN, KANG.KABAYAN   : GEUS LILA NYAH NARUNGGUAN?SEMAH       : MUHUN, KANG.KABAYAN   : SOK AYEUNA SAHA NU DATANG TIHEULA?LALAKI 2    : ABDI, KANG.KABAYAN   : HEUH BURU KADIEU. TAH.. DIUK DIDINYA. BOGA KAHAYANG NAON MANEH DATANG KA DIEU?LALAKI 2    : KIEU, KANG. ABDI TEH PAN TOS LAMI DAMEL DI KANTOR KACAMATAN DI LEMBUR, GEUS HAMPIR SAPULUH TAUN, KANG. NGAN ABDI TEH BINGUNG, KANG. NAHA KITU ABDI TEU NGADANGU-DANGU ACAN WACANA TI PIHAK PA CAMAT NGEUNAAN KANAEKAN PANGKAT ABDI. ABDI TEH HOYONG PISAN KANG PANGKAT ABDI TEH SAEUTIK ACAN MAH DI TAEKEUN KITU KU PIHAK PA CAMAT. SABAB GEUS BULUKAN TEUING ATUH KANG ABDI TEH AYA DI POSISI PANGKAT ABDI NU TIBABAHEULA KU ABDI LEKEUNAN.KABAYAN   : OH KITU, NAON KITU PANGKAT MANEH NU AYEUNA TEH?LALAKI 2    : TUKANG BEBERSIH, KANG.KABAYAN   : EMH… TULUY AYEUNA REK MENTA DINAEKEUN KA PANGKAT NU KUMAHA?LALAKI 2    : NYA ATUH, KANG. MUN TIASA MAH ABDI TEH HOYONG DI TAEKEUN JADI SEKRETARIS NA.KABAYAN   : SEKRETARIS CAMAT?LALAKI 2    : MUUN, KANG.KABAYAN   : BO’AMBO AISIA.. SING NGILIK WE ATUH EUY BOGA KAHAYANG TEH.LALAKI 2    : NAHA KITU, KANG? TEU TIASA NYA, KANG? MUSTAHIL NYA, KANG?KABAYAN   : ESSHH.. TEU KITU OGE ATUH AIMANEH. EWEUH NU TEU BISA, EWEUH NU MUSTAHIL AI URANG DAEK IKHTIAR NGALAKONAN ANU SAKUDUNA URANG LAKONAN JEUNG MEUNANGKEUN NAON ANU DI PIKAHAYANG, KOMO MUN DI BARENGAN KU DU’A MAH. DA GUSTI ALLOH MAH MAHA KAWASA ATUH. EWEUH NU MUSTAHIL.LALAKI 2    : ATOS, KANG.. ATOS.. NAON ANU DI PIWARANGKEUN AKANG AYEUNA KA ABDI TOS KU ABDI LEKEUNAN UNGGAL DINTEUN, KANG. TAPI TEU AYA HASIL NA. ABDI BINGUNG, KANG.KABAYAN   : TEU KUDU BINGUNG, AISIA. NYA ETA MAH KUSABAB MANEH WEH ANU GEUS PINUH TEUING KU KOKOTOR, AWAK MANEH TEH GEUS LEDUG, NYAHO?LALAKI 2    : TAH KU KITUNA KANG ABDI LINGGIH KA BUMI AKANG. ABDI TEH HOYONG AWAK ABDI TEH BERSIH TI SAGALA KOKOTOR ALAM DUNIA, JEUNG DEUI SUPAYA KA HAYANG ABDI TEH DI PANG MANJATKEUN KAHOYONG ABDI KA GUSTI ALLOH.KABAYAN   : (NYIUK CAI NU DI GENTONG, TLUY MACA MANTRA) MAWA BOTOL TEU MANEH?LALAKI 2    : ADUH ABDI TEU NYANDAK, KANG.KABAYAN   : GEUS TEU NANAO, YEUH BURU GEURA BEAKEUN!LALAKI 2    : OH.. ENYA, KANG. (NGINUM) AHH.. (NYOKOT DUIT DINA PESAK NA) HATUR NUHUN, KANG. HATUR NUHUN PISAN TOS SADIA MASIHAN CAI SAREAT KANGGO ABDI. IEU KANG LUMAYAN, JEUNG JAJAN SI MAIKEL. MANGGA, KANG.KABAYAN   : EUH NAON IEU TEH? KANTONGAN WEH KU MANEH BISI EWEUH JEUNG ONGKOS BALIK.LALAKI 2    : EH AYA KANG AYA JEUNG ONGKOSEUN MAH.KABAYAN   : OH NYA ENGGEUS ATUH. TAPI MANEH REDO HENTEU IEU?LALAKI 2    : REDO, KANG. REDO.KABAYAN   : HE’EH ATUH DI TAMPI KU URANG.. JEUNG DEUI NAON ANU BIEU DI PIKAHAYANG KU MANEH INSYA ALLOH KU URANG PIKIRAN.LALAKI 2    : HATUR NUHUN, KANG.. SAKALI DEUI HATUR NUHUN.KABAYAN   : GEUS BURU AYEUNA GEURA BALIK, BISI HUJAN MANTEN.LALAKI 2    : ENYA, KANG.. SIAP. ASSALAMUALAIKUM, SAMPURASUN.KABAYAN   : WAALAIKUMUSSALLAM, RAMPES. SOK AYEUNA SAHAEUN DEUI?